خانمیگ خاوەن ناسنامەی سویدی داد لە دەس هاوسەرەگەی کەێد
2021-04-22T12:00:57+00:00
شەفەق نیوز/ خانمیگ وەناو شیلان فەتاح محمد، خاوەن ناسنامەی سویدیە، سکاڵایگ دادوەری لەبان هاوسەرەگەی لە دادگای هەولێر پایتەخت هەرێم کوردستان تۆمار کرد.
شیلان خان لە کۆنگرەیگ رۆژنامەوانی لە وەردەم دادگاگە ئمڕوو وت: بنکەی پۆلیس «خەبات» لە ناوچەی «کەلەک» سووکایەتی وەپیم کردن، و داوای هاوسەرەگەم کردن تا هەڕەشەم بیەێد، و هەمیش رەفتارەیلیگ ناگونجیاگ وەگەردم کرد و هەڕەشەی بڵاوکردن وێنەیلم دا.
وتیش: سکاڵایگ دادوەری لە دادگای هەولێر لەبان هاوسەرەگەم تۆمار کردم، چوونکە وەناوی لایەنیگ ئەمنی هەڕەشەم دا، و من ئیسە زیانیگ دەروینی وەخوەم دوینم.
خانمەگە داوا لە باڵیۆزخانەی سویدی کرد دەسمیەتیی بیەێد دویای ئەوە ک هاوسەرەگەی دەس نابان بەڵگەیلی، ولەوەر ئەوە هیچ وەپی نێکریەێد.
