خانەقین.. ووساننیگ ناڕەزایەتی ئەرا داوای مەرەقەزکردن وەرپرسیگ خۆجێیی لە سلێمانی زیندان کریاگە
شەفەق نیوز/ دەیان لە خەڵک قەزای خانەقین لە پارێزگای دیالە، رووژ پەنجشەممە، داوا لە دەسەڵاتە دادوەریەگان کردن مەرەقەز محمد مەلا حەسەن قایمقام وەرین خانەقین بکەن، ک ئیسە هالە یەکیگ لە زیندانەگان سلێمانی، دویای فەرمانیگ دادوەری وە دووساڵ زیندانکردنی وە توومەت پێشێلکردن لەبان دارایی گشتی.
یەکیگ لە خۆپیشاندەرەگان وەناو یونس مەڕوان ئەرا ئاژانس شەفەق نیوز وت: قایمقام وەرین قەزای خانەقین زیندانی وە توومەت دویریگ کریاگە ک خوەی پڕۆژەی کەراجیگە وەرجە ١٤ ساڵ هێزەیل ئەمریکا ئەرا مەبەستەیلیگ ئەمنی فەرمان وە دروسکردنی دانە ، ک لایەنە دادوەریەگان وە پێشێلکاری لەبان زەوی و دارایبەیل دەوڵەت دانانەی.
وتیش؛ بایەدە دووارە بنووڕیەێدە فەرمانە دادوەریەگە ک دژوە قایمقام خانەقین دریاگە، و لێکۆڵینەوەگان لەباوەتەگە دووارە بکریەێن، تا راسیەگە ئەرا رای گشتی ئاشکرا بوود، و پڕۆژەی کەراجەگە لە خزمەت بەرژەوەنی گشتی بویە و هەمیش مقەیەتی هاووڵاتیبەگان لە پەلامار و هەڕەشەیلیگ تیرۆری لەو وەختە بوی.
