خانەقین گیچەڵ گەورەیگ لە قیلکردن جادەیلی دەسنشان کەێد
سوزان مەنسور خانمە نوینەر لە یەکێتی ئەرا ئاژانس شەفەق نیوز وت: پیشیلکردن فرەیگ لە پڕۆژەیل کۆنکریتی کویچەیل رەوانگە کریا، و پابەند نەوین کۆمپانیایل جیوەجیکردن و مقاولەیل وە لیست و شیوەیل هونەری و ئەندازیاری.
دووپات کرد ک پڕۆژەیل کۆنکریتی کویچەیل پیشیلکاری فرەیگ لەناویان بوی، لەلیان گیچەڵ ئاسنبەنی و وەکارنەهاوردن کەرەستەیل هەراش و نەمان راسەوکردن وەگەرد قەوارەی کۆنکریتەگە، و داواکردن پویل لە خەڵکەگە وەرانەوەر بەسیان تووڕەیل ئاو و ئاوەڕۆی.
وتیش: گشت کارەیل دراوردن ئاو واران وەگورەی کوالیتی ئەندازیاری و هونەری لە گشت هویردەکارەیلی نەویە.
سوزان خان داوای دروسکردن دەسەیل لێکۆڵینەوەی پسپۆڕ کرد ئەرا چارەکردن گرفتەیل گشت پڕۆژەیل و لە گشت کەرتەیل ئەرا مقیەتیکردن دارایی گشتی و ئاڕاستەکردنی وەرەو بەرژەوەنی خزمەتگوزاری هاوڵاتی، و سزادان گشت خاوەن کەموکوڵی.
