خانەقین هوشداری لە گلەوخواردن وەرەو سەردەمەیل ناوڕاس دەن
![خانەقین هوشداری لە گلەوخواردن وەرەو سەردەمەیل ناوڕاس دەن](https://media.shafaq.com/media/arcella/1642690588409.jpeg)
شەفەق نیوز/ چالکوانەیل مەدەنی و روشنهۊریەیل قەزای خانەقین، ئمڕوو پەنجشەممە، دووپات کردن لە پۊچەڵکردن خۆپیشاندان ناڕەزایی لەوەر نەۊین نیمچە تەواویگ لە کارەبا، لە گومابۊن ئومید وە چارەسەری لەلایەن وەزارەت کارەبا و لایەنە پەیوەندیدارەیل.
بڕیگ لە چالاکوانەیل ئەرا ئاژانس شەفەق نیوز وتن: ناچار بۊینە خۆپیشاندانیگ جەماوەری ئەرا داوای وەدادڕەسین خانەقین وە کارەبا پپچەڵ بکەن، ک وە ئاست ٧٠% داوەزیا وەبی هۊچ چارەسەرییگ یە زیاتر لە یەک مانگە.
وتنیش: حکومەت خۆجێی خوەی لە گیچەڵ کارەباگە دۊر خست، ک پەیوەندی وە وەزارەت کارەبای فیدراڵی دیرێد، ک هۊچ گامیگ ئەرا خاسەوکردن کارەباگەی خانەقین نەکرد.
خەڵک خانەقین هوشداری لە گلەوخواردن وەرەو سەردەمەیل ناوڕاس دان، ئەوەیش لەوەر نەۊین کارەبا و خراوی باوەت وەزە وەرەو خراوتر وە گامەیل رەخبەریگ لەناو پشتگوشخستن حکومەتی ئاشکرایگ، و دووپات کردن ک دەس لە ئومید و بڕوایی وە لایەنە وەرپرسەیل لە باوەت کارەبا شوردنە، و خۆپیشاندان و ناڕەزایی لەناو قەزاگە بیخودە.