خانەقین.. پەلامارەیل داعش ٢٣ ئاوای کورد لە دەورگردی چووڵ کەن
شەفەق نیوز/ وەرپرسیگ کورد لە قەزای خانەقین، ئمڕوو یەکشەممە، خەوەردا ک ٢٣ ئاوای کورد لە دەورگرد خانەقین دەرچگن و وەشیوەی گەورایگ لە خەڵکەگەیان چووڵەو بوین، لەوەر پەلامار و هەڕەشەیل داعش لە ماوەی دوو ساڵ گوزەیشتە.
ئیبراهیم حەسەن وەرپرس راگەیانن یەکێتی نیشتمانی کوردستان لە خانەقین ئەرا ئاژانس شەفەق نیوز وت: فرەی ئاوایە کوردەیل لە دەورگرد خانەقین لەوەر هەڕەشەیل و پەلامارەیل داعش لە دویای ٢٠١٧ چووڵ بوین، و دیاری کرد ک ١٥ ئاوای لە ناوچەی باوە مەحمودی و عەلیاوە لە دەورگرد خانەقین لە دەس هەڕەشەیل داعش واین، و خەڵک ٨ ئاوای تر لە کوردەیل لەوەر مەترسیە ئەمینیەکان وەرەو ناوچەیلیگ تر چکن.
وتیش: خراوبوین رەوشە ئەمنیەگە لە خانەقین، و لە ڕای گشتی خوەی لەوەر ئەو بۆشاییەیل ئەمنیە بوی ک پێشمەرگە لە دویای کیشانەوەی لە تەشرین یەکەم ٢٠١٧ هیشتە جی، و داوای زینیکردن و جیوەجیکردن ژوورەیل ئۆپراسیۆنە هاوبەشەکان لە خانەقین و ئەو ناوچە دابڕیایەکان کرد، و ئاڵشتکردن زانیاریەیل هەواڵگری وهێزەیل هاوبەش وەگورەی بنەماییلیگ دیاریکریاگ ئەرا کۆتایی هاوردن وە پەلامارەیل و کوشتارە خوینینیەیل ک ئەندامەیل داعش هەر ماوەی جاریگ جیوەجی کەن.
حەسەن داوا لە دەسەلاتە ئەمنیەکان و لایەنە وەرپرسەیل وە چارەیلیگ ئەمنی راسییگ ئەرا رەوشەیل خانەقین کرد، دویر لە هەر بنەمایگ سیاسی یا نەتەوەیی ئەرا نواگردن لە کۆچبردن ئاوایەیلیگ تر و ئەو جیماگەیل خراوە ک وەجی هیلێد.
وەرپرسە کوردەگە،وتیش؛ جیوەجیکردن مادەی ١٤٠ چارەی گشتکیریگە ئەرا گرفتەیل ناوچە دابڕیایەکان و چگنیان ئەرا ناو کوردستان لە ئاست سنوور دەوڵەت عراقە نەگ لە دەیشتی ک کوردستان بەشیگە لە عراق.
