خانەقین.. زیاتر لە ٥٠٠٠ خوەنەوار لە مەکتەوەیل کوردی دەسکەنە ساڵ خوەنستن نوو
2022-09-13T09:48:57+00:00
شەفەق نیوز/ وەڕێەوبەرایەتی پەروەردەی خانەقین سەروە هەرێم کوردستان، دەسکردن وە ساڵ خوەنستن نوو لە مەکتەوەیلی راگەیان ک شمارەیان رەسێدە ٣٢ مەکتەو، لە گشت قوناغەیل خوەنەواری.
حەسەن تاڵەبانی وەڕیەوبەر پەروەردەی خانەقین ئەرا ئاژانس شەفەق نیوز وت: ساڵ خوەنستن لە مەکتەوەیل سەروە پەروەردەی هەرێم کوردستان، ئمڕوو لەناو ٣٢ مەکتەو دەسوەپی کرد، ک قوناغەیل بنەڕەتی و ئامادەیی وپیشەیی و ساوەی مناڵ گرێدەو، ک شمارەیان لە ٥٠٠٠ هەزار خوەنەوار رەد کەێد.
تالەبانی دووپات کرد ک وەزارەت پەروەردە لە هەرێم کوردستان گشت خوازینەیل ساڵ خوەنەواری نوو وەشیوەیگ گونجیاگ ئامادە کرد، وە پلانیگ رێکخریاگ ئەرا دەسکردن وە ساڵ خوەنستن جیاوازیگ.
وتیش: پەروەردەی کوردستان گشت گرفتەیل لە مەکتەوەیلمان پویچەڵ کرد، و کەشوهەوای خوەنەواری نموونەیی ئەرا خزمەت پەروەردە ئامادە کرد.
