خانەقین.. تاقیکردنەوەی ئامادەیی وە سەرکەفتن تەواو بوود

خانەقین.. تاقیکردنەوەی ئامادەیی وە سەرکەفتن تەواو بوود
2021-08-15T11:55:19+00:00

شەفەق نیوز/ وەڕێۆبەرایەتی پەروەردەی خانەقین سەروە هەرێم کوردستان، ئمڕوو یەکشەممە، راگەیان تەواوبوین تاقیکردنەوەیل کۆتایی ئەرا خوەنستن ئامادەیی وە سەرکەفتن، و وەپلانیگ هاوبەش لەناونی چەن فەرمانگەیگ.

حەسەن محمد تاڵەبانی وەڕێۆبەر پەروەردەگە ئەرا ئاژانس شەفەق نیوز وت: تاقیکردنەوەیل خوەنستن ئامادەیی وە پەل زانستی و ئەدەبی تەواو بویر وە بەشداریکردن زیاتر لە ٧٠٠ خوەنەوار لە ٦ مەکتەو، وتیش؛ تاقیکردنەوەیلە وە پلانیگ لەناونی چەن فەرمانگەیگ وەپاڵپشتی ئیدارەی خانەقین تەواو بوین.

وتیش؛ پەروەردەی خانەقین وە هەماهەنگی وەگەرد ئیدارەی خانەقین گشت خوازینەیل سەرکەفتن تاقیکردنەوەیل کۆتایی دابین کرد هەر لە دابینکردن بنکەیل تاقیکردنەوەیل و کارەبا لە ماوەی ساعەتەیل تاقیکردنەوەیلە وەشیوەی وەردەوامیگ وەبی بڕین.

تاڵەبانی باس کرد ک تاقیکردنەوەیل پەل پیشەسازی رووژ چوارشەممە تەواو بوون، ئەوەیش وە پلان رێکیگ.

Shafaq Live
Shafaq Live