خانەقین ٢٠٠ تاقەبەش لە واکسین چینی دژوە کۆڕۆنا وەرگرێد
شەفەق نیوز/ فەرماندەی تەندروسی لە قەزای خانەقین، ئمڕوو شەممە، راگەیان وەرگردن ٢٠٠ تاقەبەش لە واکسین چینی دژوە کۆڕۆنا، و هەمیش باس لە رخ خەڵکەکە لەەوەرگردن واکسینەگە کرد.
دکتۆر سەرمەد یونس وەڕێۆبەر فەرمانگەگە ئەرا ئاژانس شەفەق نیوز وت: بەش خانەقین لە واکسینە چینیەگە ١٥٪ لە ئەو بڕە ک رەسیەسە دیالە، ک رەسێدە زیاتر لە ٢٠٠٠ تاقەبەش.
وتیش؛ ٢٠٠ تاقەبەش وەرگردیمن، و دویای تەواوکردن ئی بڕە، ئەوەسا ١٠٠ تاقەبەش تر وەرگریمن، و ئاماژە کرد ک ناوەندیگ تەندروسی لە خانەقین ئەرا وەرگردن واکسینەگە تەرخان کریا.
یونس باس لە رخ خەڵکەگە لەەوەرگردن واکسینە چینیەگە کرد، هەرچەن وە زیاتر لە رێژەی ٩٠٪ کونجیاگە، و لە ئیمارات و مەکسیک و بەڕازیل و دەوڵەتەیلیگ تر وەکار هاوریاگە و ئەنجامەیل گەورایگ تۆمار کردگە، وەتایبەت لە وڵات چین ک ئیسە کۆڕۆنا لەناوی نەما.
و دووپات کرد ک ئەکتیڤ واکیسنە چینیەگە لە واکسین ئەسترازینیکای بەریتانی - سویدی خاسترە ک ئەوەسا وەی نزیکە عراق نزیکەی ٤٠٠ هەزار تاقەبەش لەلی وەرگرێد، بەڵکم ئەکتیڤەگەی رەسێدە ٨٠٪.
یونس وتیش؛ هیچ مەترسییگ یا کاریگەرییگ لە وەرگردن واکسینە چینیەگە نییە، و بانگواز ئەرا خەڵکەگە کرد واکسینەگە وەربگرن.
