خاسەوبوین گەورەترین تەمەن لە هەرێم کوردستان لە پەتای کۆڕونا

شەفەق نیوز/ پیاو پیریگ لە تەمەن ١٠٩ ساڵان لە ڤایڕۆس کۆڕۆنا خاسەو بوی، دویای ئەوە ک رەوش تەندروسیی خراو بوی و لە خەسەخانە خەفت.

پیاوە پیرەگە لە خەسەخانەی شەهید هێمن بوی لە پارێزگای سلێمانی، وخەڵک قەزای پێنجوێنە.

پزشک پسپۆڕ چارەسەری کۆڕۆنا دکتۆر هێرش حەیدەر لەبان ماڵپەڕەیل پەیوەندیە کۆمەڵایەتیەکان، ئمڕوو یەکشەممە، نووسان: دویای وەرگردن چارەسەری و دەرمان، بیماریگ لە تەمەن ١٠٩ ساڵان لە پەتای کۆڕونا خاسەو بوی.

حەیدەر وتیش؛ بیمارەگە دویای تووشهاتنی وە ڤایڕۆس کۆڕۆنا و خراوبوین رەوش تەندروسیی گشت چارەسەریەیل پزشکی  وەرگرد، و خوەشبەختانە لە پەتاگە رەد بوی و چگەو ئەرا ژیان سرووشتی خوەی.

وەرجەیە پیاویگ ٨٩ ساڵان جوور گەورەترین تەمەن بوی ک لە هەرێم کوردستان لە پەتای کۆڕونا خاسەو بوی.