خۆشناو راگەینێد بەرنامەی کارەگەی لە هەولێر و بڕیگ پەیمان دەێد
شەفەق نیوز/ ئومێد خۆشناو پارێزگار نوو هەولێر، ئمڕوو دووشەممە، راگەیان کارکردن ئەرا گشت هەولێریەگان وەبی جیوازی.
ئومێد خۆشناو لە وتاریگ لە پشت دەنگدانەگە ئەرا وەرگردن پۆست پارێزگار هەولێر وت: پەیمان دەیمن ک بویمنە جی بڕوایی ئەوانەگ دەنگ وەپیمان دان، و لە دڵەوە سوپاس ئەرا ئەوانەگ دەنگ وەپیمان نەیان، هەر لە ئیسە وەرولا لاپەڕەی نوویگ واز کەیمن، و نێوشیمن کی دەنگ وەپیمان دا و کی نەیا، بەڵکم پەیمان دەم ک خزمەت وەگشت هاووڵاتییەگان وەبی جیوازی پێشکەش بکەم.
خۆشناو ک خوەی لەلایەن پارت دیموکرات کوردستان کاندید کریا، وت: پەیمان وە بتەوکردن پەیوەندیەگە دەم، و بیلیمن ئی ئەنجومەنە بوودە پەرلەمان بویچگیگ ئەرا هەولێر، و رەخنەی یەک بکەیمن و باس لە باوەت سکاڵا وگرفتەیل هاووڵاتییەگان وەیکەو بکەیمن، خوازیمن ناونشان پارێزگار لە ناو پارێزگار ئاڵشتی بکەیمنە خزمەتکار شار و گەل.
وتیش؛ تا ئمڕوو کاندید پارت دیموکرات کوردستان و بەڕێز مەسعود بارزانی سەرۆک پارت دیموکرات کوردستان بویم، دویای قەسەمە یاساییەگە، ئەوەسا بوومە فەرمانبەریگ ئەرا حکومەت هەرێم لە خزمەت هاووڵاتییەگان، دویای ئەوە ک پەیمانیگ لە بەڕێز مەسرور بارزانی سەرۆک حکومەت هەرێم وەرگردم ئەرا خزمەتکردن دانیشتوەیل هەولێر.
خۆشناو وتیش: هێڵە گشتیەگان لە بەرنامەی کارمان، ئەوەسا کەفێدە هێڵە گشتیەگان لە بەرنامەی حکومەت هەرێم لە پێشکەشکردن خزمەتگوزارییەگان و خاسەوکردن رەوش ژیان هاوڵاتییەگان، و یەکەم ئامانجمان خوەی یەکەوکردن وتارمانە لە پارێزگای و ئەنجومەن، وهەمیش پەیمان وە دانیشتوەیل هەولێر دەیمن لە وەدویانەچگن لە بەرنامەی چاکسازیەگە ک حکومەت هەرێم راگەیان.
خۆشناو داوا لە وەزارەتە پەیوەندیدارەگان لە حکومەت هەرێم کرد، هەنای بوودجەگە دانەن بخەنە وەر چەویان ک هەولێر پایتەخت هەرێمە، و بایەدە پویلەیلیگ ئەرا گەشەپێدانی زیاتر تەرخان بکریەێد.
لەلاییگ تر، پارێزگار نوو هەولێر، داوا لە خەڵکەگە کرد، ریکارە مقەیەتیەگان لە ڤایڕۆس کۆڕۆنا وەپشت گووش نەخەن، و وتیش؛ ئەوەسا کار ئەرا وەردەوامی ئەو ریکارەیلە کەیمن ئەرا سەڵامەتی خەڵکەگە.
