خەڵک شار خانەقین «گەڵاڵە» کەنە خاوەن ماڵیگ
شەفەق نیوز/ لە گشت شاریگ، چەن کەسیگ لە خاوەن پێداویستیە تایبەتەکان هەس، و چەن کەسیگ لەوانەگ گرفتەیلیگ لە مەغزیان دیرن، ک وەپیان ئووشن (شیت).
خەڵک شار خانەقین، هەمیشە گرنگیگ تایبەت دەنە ئەو (شیتەیلە) ک هانە ناو شارەگە، تەنانەت تابلوێگ خانەقینی وەناوبانگیگ هەس، و دەس و پەنجەی شیوەکار (ماجد شالیار) کریاگە، لەناوی شیتەیل خانەقین لە سەردەم هەیشتا و نەوەتەکان گردەو کردگە، ک ئیسە بەشیگ لەلیان مردگە، وەلی خانەقینیەگان ناو تاک وە تاکیان زانن، و هەمیش رەفتار و جیوازی هەر کەسیگ لەلیان زانن.
لەو کەسەیلە ک وەپیان ئووشن (شیت)، پیاویگە شایەت تەمەنی لە پەنجاگان رەد کەێد، وەناو (گەڵاڵە) ک هەمیشە لەناو بازاڕەگە نیشێد و خەفێد.
لەی چەن رووژە، بڕیگ لە خەڵک شارەگە، بڕیار دانە گەڵاڵە بکەنە خاوەن ماڵیگ، و دەسمیەتی ناوبەین خوەیان دانە، و ماڵ بویچگیگ ئەرای دروس کردن، و دیرن پەسەن ئەو شوونە کەن ک ماڵەگەی گەڵاڵە لەناوی دانەن، و گشت خانەقینیەگان زانن ک گەڵاڵە تاقەت نەێرێد دویر لە بازاڕەگە بکەفێد.
