خەڵک سلێمانی مەشخەڵ نەوروز رووشن کەن و ئاهەنگ وە ساڵ نوو کەن.. وینە
2023-03-20T13:00:31+00:00
شەفەق نیوز/ وەئامادەبوین جەماوەر گەورەیگ، خەڵک شار سلێمانی، ئمڕوو دووشەممە، ئاهەنگ وە رووشنکردن مەشخەڵ نەوروز کردن، وەگەرد پیشوازیکردن لە ساڵ کوردی نوو، ودویای ئەوە مەردمەگە لەناو جادەیل شارەکە ئاهەنگ نەورروز کردن.
پەیامنێر ئاژانس شەفەق نیوز لە سلێمانی وت: شار سلێمانی ئاهەنگ جەماوەری گەورەیگ لەبان تەپەی(مامه ياره) وەخوەی دی، ک بڕیگ چالاکی هونەری و کەلتوری لەناوی بوی.
پەیامنێرمان وتیش: خەڵکەگە مەشخەڵ کاوەی ئاسنگەر رووشن کردن لەدەسکردن وە ئاهەنگەیل ساڵانەی جەماوەر کورد وە نووەوبوین ژیان.
خەڵکەیلیگ لە سلێمانی و وەرپرسەیلیگ ناوخوەیی مەوقەی گردەوبوینیان لەناو ریکارەیلیگ ئەمنی سەختیگ وەگەرد ئاژانس شەفەق نیوز قسە کردن، ک نشان ئومیدیان دان ک ئمساڵ بوودە سەرەتای خێر و ئاشتی و ئارامی ئەرا گشتی.
پەیامنێر ئاژانسمان دیاری کرد ک جەماوەرەگە دویای رووشنکردن مەشخەڵ نەوروز، روی وەرەو جادەیل شار سلێمانی کردن، و بڕیگ چالاکی لەی بوونە کریا.
