خەسەخانەی "هیوا" لە سلێمانی: هەرێم قەیران دەرمان رەتکرد
شەفەق نیوز/ وەڕێوەبەر خەسەخانەی "هیوا" ، ئمڕوو دووشەممە، دووپاتکرد لەبان دەرمانەیل گرێ شێرپەنجیەیل، و زیایبوین پسای تویشهاتن وە شێرپەنجە لە عراق و جەهان، دیاریکرد هەرێم کەمی دەرمان نەیرێد.
نەقشبەندی وە ئاژانس شەفەق نیوز وت؛ "بەرزەوبوین رێژەی تویشهاتن وە بیماری شێرپەنجە دیاردەیگ ناوخوەیی نییە، بەڵکم لەبان ئاست جەهانیە، کووشان فرەیگ تواد ئەرا هووشیاری و دەسنیشانکردن پیشوەختەی لەری ناوەندەیل تایوەت" وتیش "لەدیارترین گیچەڵەیل کە ئیرنگە رویوەروی هاتیمنە بریتیە لە کەمی بینا، باوجی هیوای گەپیگ هەس ئەرا سەنگ بناغەناین خەستەخانەی هیوای نوو لەماوەی ئمساڵ 2025، کە بەشداربوود لە پیشکەشکردن خزمەتگوزاری خاستریگ وە بیمارەیل.
لەباوەت قەیران دەرمان نەقشبەندی دیاریکرد، "گیچەڵ کەمی دەرمان کە لەساڵەیل 2023 و 2024 رویوەروی بوی وەشیوەی خاسیگ چارەسەربوی، ئیرنگە هویچ گیچەڵیگ نییە، مەزەنەکرێد لە ماوەی ئمساڵ وەردەوام بوود وەیجویرە.
دیاریکرد، "نزیکەی 40% لەو بیمارەیلە توومارکریانە لە خەسەخانەی هیوا خەڵک دەێشت سلێمانی و دەێشت هەرێم کوردستان، خەساخانەگە تویشهاتگەیل وە بیماریەگە لە پارێزگا جیاوازەیل عراقەو وەرگرێد" ئاشکرایکرد "تەقەلای گەپیگ هەس ئەرا دانان سەنگ بناغەی بینای نوویگ ئەرا چارەسەر گرێ شێرپەنجیەیل، گام گرنگیگ دروسکەێد ئەرا کەرت تەندروسی لە هەرێم".
