حکومەت هەرێم کوردستان: بەرهەم وزەی کەهرەبا لەوەرز تاوسان تێک نێەچوود

حکومەت هەرێم کوردستان: بەرهەم وزەی کەهرەبا لەوەرز تاوسان تێک نێەچوود
شەفەق نیوز/ کەمال محمد وەزیر کەهرەبای هەرێم کوردستان، ئمڕوو چوارشەممە، وت: دابەشکردن کەهرەبای نیشتمانی لە وەرز تاوسان تێک نێچوود، ودووپات کرد ک حکومەت هەرێم کوردستان وەجدیەو کار کەێد ئەرا دابەشکردن وزە له‌ لاین که‌رت تایبەت.
وەزیرەگە لە وتاریگ رۆژنامەوانی وت؛ لەوەر کەم توانایی حکومەت لە دابینکردن گاز سروشتی ئەرا ٣٤ کەرت بەرهەمهاوردن وزەی کەهرەبا، توانای بەرهەمهاوردن لە ٣٢٠٠ میگاوات زیاترنه‌بی.
دیارییش کرد ک هەرێم کوردستان كێشه‌ نەیرێد لە بەرهەمکردن وزە، بەڵکم گیچەڵە گەوراگە هالە رەوانەکردن ودابەشکردن وزەگە، ئەرا نمونە، ٤٤% لە بەرهەم وزەی هەرێمەگە گوماوبوود، ک رەسێدە ١٢٠٠ میگاوات، وهەنای پویلەگەی گردەو کریەێد، ئەو کەمەوبویە دیار دەێد له‌ وه‌خت هه‌نارده‌کردنی، و زیادەڕۆیی لەبان هێڵەگان.
وەزیرەگە هەمیش وت؛ حکومەت هەرێم کوردستان دوو میلیار و٧٠٠ مەلیۆن دۆلار قەرزارە ئەراکۆمپانیایه‌ل بەرهەمهاور‌ وزەی کەهرەبا، ومانگانە ٢٥ مەلیۆن دۆلار دەێدە کۆمپانیا بەهەمهاوه‌ره‌یل ، وهەمان پویلەگە لەمانگ هاتگ دەێد، وبڕیگ لە کەرتەیل باقیمه‌نه‌ لە سێ مانگ وەرین دووارە خریەنەکار، ئەراوە کەهرەبای نیشتمانی تێک نێەچوود.