حكومه‌ت كوردستان "به‌شبه‌شه‌وبوين" ره‌ته‌و ئه‌كاو رێ لامه‌ركه‌زيه‌ت دانه‌ێد
2020-05-02T20:34:31+00:00
شه‌فه‌ق نيوز/ حكومه‌ت هه‌رێم كوردستان، باس له‌وه كرد گشت شيوه به‌شبه‌شه‌وبوينيگ له‌ناو هه‌رێم ره‌ته‌و ئه‌كاو خوه‌يشى سه‌رپه‌رشى له‌بان هه‌ر هه‌وڵيگ ئه‌كا ئه‌را جيوه‌جيكردن لامه‌ركه‌زى ئدارى.
حكومه‌ت هه‌رێم له به‌ياننامه‌يگ ئه‌را شه‌فه‌ق نيوز وت: له دانيشتن مه‌سرور بارزانى سه‌رۆك حكومه‌ت هه‌رێم وه‌ل شاند دانيشتنكار ك هه‌فته‌ى گوزه‌يشت سه‌ردان به‌غدا كرد، باس له دواكاريه‌يل ئيسه كرياگه ئه‌را جيوه‌جيكردن سيستم لامه‌ركه‌زى ئدارى له هه‌رێم.
به‌ياننامه‌گه هه‌ميش وت: هيزه‌يل هاوپه‌يمان له حكومه‌ت جه‌خت له‌بان ئه‌وه كردنه ئى مه‌سه‌له به‌شيگه له به‌رنامه‌ى كار دامه‌زرانن كابينه‌ى نۆيه‌م و بايه‌سه حكومه‌ت سه‌رپه‌رشى له‌بانى بكاو جه‌ختيش له يه‌كێتى قه‌واره‌ى هه‌رێم كوردستان كرياگه‌و گشت جووره به‌شبه‌شه‌وبوينيگيش ره‌ته‌و ئه‌كريه‌ێد.
