حكومه‌ت سه‌ندوق خانه‌نشينى له هه‌رێم كوردستان وه وازكردن هساويگ تايبت كارا ئه‌كا
شه‌فه‌ق نيوز/ وه‌زاره‌ت دارايى و ئابوورى له حكومه‌ت هه‌رێم كوردستان، ئاشكراى شماره‌يگ بڕيار كرد، له‌وانه‌يش هه‌ڵه‌په‌ڵه له جيوه‌جيكردن ياساى خاسسازى ك له‌لايه‌ن حكومه‌ت هه‌رێمه‌و جيگير كريا، ئاماژه وه‌يه‌يش كرد له‌ناونى ئه‌و بڕياره‌يله كاراكردن سه‌ندوق خانه‌نشينى هه‌رێم كوردسان و وازكردن هساويگ بانكى تايبه‌ت وه‌پى و تازه‌كردنه‌وه‌ى وه‌ڕيه‌وبه‌رايه‌تى خانه‌نشينى ك نوێنه‌رايه‌تى گشتلايگ بكا.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: ئه‌نجومه‌ن وه‌زيره‌يل وه ئاماده‌بوين گشت ئه‌ندامه‌يلى دانيشتنيگ ئاسايى وه‌شيوه‌ى ئۆنلاين ساز كردگه وه سه‌رپه‌رشتى ئاوات شێخ جه‌ناب.
به‌ياننامه‌گه وت: له سه‌ره‌تاى دانيشتنه‌گه شێخ جه‌ناب ستايش تيم وه‌زاره‌ته‌گه كردگه ك وه‌ل وه‌زاره‌ت ته‌ندروستى و ناوخوه‌يى و پێشمه‌رگه و هيزه‌يل ئاسايش وه‌رده‌وام بوينه له ده‌وام و وه‌ڕيخستن كاره‌يل وه‌زاره‌ته‌گه وه‌خاسترين شيوه و دوياخريش باس له ناوه‌ڕووك دانيشن ليژنه‌ى باڵا ئه‌را جيوه‌جيكردن ياساى خاسسازى له ئه‌نجومه‌ن وه‌زيره‌يل كرياگه دوياى په‌سه‌نكردنى.
