حكومەت کوردستان و فینلاندە باس دەرکردن میلیشیاکان لە شەنگال کەن
شەفەق نیوز/ مەسرور بارزانی سەرۆک حکومەت هەرێم کوردستان، وەگەرد فیسا هاکینن باڵوێز فینلاندە لەلای عراق، ئمڕوو چوارشەممە، باس هەڵبژاردن هاتگ عراق وگرنگی جیوەجیکردن رێککەفتن شەنگال و دەرچگن میلیشیا و هێزە چەکدارە نا یاساییەکان لە ناوچەگە کردن.
وەگورەی بەیاننامەی حکومەت هەرێم ک رەسیە ئاژانس شەفەق نیوز ، کۆبونەوەگە هەمیش باس لە بتەوکردن پەیوەندیەکان فینلاندە وەگەرد عراق و هەرێم کوردستان کریا، و هەمیش باس لە شیوەیل چارەسەرکەردن گرفتەیل لەناوبەین هەرێم کوردستان و حکومەت فیدڕاڵی وەگورەی دەستور، و هەمیش باسکردن لە بەش هەرێم کوردستان لە بوودجەی دارایی فیدڕاڵی ئەرا ساڵ ٢٠٢١.
دویای ئەوە ک سوپاس و رێز وڵاتەگەی ئەرا دەور هەرێم کوردستان لە جەنگ دژوە داعش کرد، باڵوێز فینلاندە دووپات لەوەردەوامی پشتگیریکردن فینلاندە ئەرا هەرێم کوردستان کرد.
هەرلیوا، سەرۆک حکومەت دەسخوەشی لە فینلاندە ئەرا پشتگیریکردن هەرێم کوردستان کرد، و باس لە ئومید خوەی ئەرا بتەوکردن و فراوانکردن پەیوەندیەکان لەناوبەین هەردوکلاگە کرد، وەتایبەت لە باوەت بەرهەمهاوردن و هاوردن سەرمایەکان.
کۆبونەوەگە هەمیش باس هەڵبژاردن هاتگ عراق و گرنگی جیوەجیکردن رێککەفتنەگەی شەنگال و دەرچگن میلیشیاکان و هێزە چەکدارە نا یاساییەکان لە ناوچەگە کرد، و هەردوگلاگە باس لە تەقەلایل نواگردن پەتای ڤایڕۆس کۆڕۆنا لە هەرێم کوردستان کردن.
