حاڵه‌تيگ تازه‌ى مردن وه كۆرۆنا له هه‌ولێر تۆمار كريا
2020-06-02T10:14:37+00:00
شه‌فه‌ق نيوز/ وه‌زاره‌ت ته‌ندروستى له هه‌رێم كوردستان، ئاشكراى تۆماركردن حاڵه‌تيگ تازه‌ى مردن كرد وه ڤايرۆس كۆرۆنا له پاريزگاى هه‌ولێر.
وه‌زاره‌ت ته‌ندروستى هه‌رێم له به‌ياننامه‌يگ ئه‌را ئاژانس شه‌فه‌ق نيوز وت: ئه‌و حاڵه‌ت مردنه وه ڤايرۆس كۆرۆنا ئه‌را پياويگ 51 ساڵان تۆمار كرياگه له خه‌ڵك قه‌زاى هامارى هه‌ولێر/ به‌نيسڵاوه.
به‌ياننامه‌گه يه‌يش ده‌رخست ئه‌و پياوه نه‌خوه‌شى دريژماوه‌يگ داشتگه‌و وه بوونه‌ى تويشبوينيشى وه ڤايرۆس كۆرۆنا خرياسه نه‌خوه‌شخانه، وه‌لێ دوياى په‌نج رووژ له‌ژير چه‌وديرى پزيشكى له نه‌خوه‌شخانه‌گه گيان له‌ده‌سداگه.
