حکومەت کوردستان مزگانی دابەشکرن مووچەگان وەی نزیکە دەێد
شەفەق نیوز/ حکومەت هەرێم کوردستان، ئمڕوو چوارشەممە، راگەیان دەسکردنی وە ریکارەیل دابەشکرن مووچەی فەرمانبەرەیل دەوڵەت وەی نزیکە.
جوتیار عادل قسەکەر وەناو حکومەت لە کۆنگرەیگ رۆژنامەوانی لە هەولێر وت: حکومەت هەرێم گشت ریکارەگان بردگە ئەرا دابەشکرن مووچەی فەرمانەبەرەیل وەی نزیکە.
وتیش؛ وەزارت دارایی ئەوەسا وەی نزیکە ووردەکاریەیل دابەشکرن مووچەگان و رێژەی بڕینەگان بڵاو کەێد، و ئاماژە کرد ک حکومەت هەرێم گشت تەقەلایلی ئەرا چارەسەرکەردن قەیران مووچەگان و دابینکردن بوودجەی بەشکەریک کەێد ئەرا خەرجکردنی.
عادل ئاماژە کرد ک مەسرور بارزانی تەمەی گشت وەزیرەگان کرد تا خەرجەگانیان دیاری بکەن.
لەباوەت دروسکردن هێزیگ تایبەت لە ناوخۆ و پێشمەرگە لە مەرزە سنووریەگان، عادل وت: بی گومان کارەیل قاچاخی لە مەرزە سنووریەگان هەس، و ئیمە چەودیری ئەو کارە کەیمن چوونکە کاریگەری لەبان داهاتەیل هەرێم کەێد.
