حکومەت کوردستان: ئاواییگ لە دهۆک کریەێدە ناوەند ناحیە

شەفەق نیوز/ حکومەت هەرێم کوردستان، ئمڕوو دووشەممە، بڕیار دا ئاوای "خانکی" لە پارێزگای دهۆک بکریەێدە ناوەند ناحیە.  

راگەیانن حکومەت هەرێم کوردستان لە بەیاننامیگ رەسیە ئاژانس شەفەق نیوز وت: مەسرور بارزانی سەرۆک حکومەت هەرێم کوردستان، ئمڕوو، بڕیار دا ناوەند ناحیە خانکی دامەزرێد، ئەرا ئاسانکردن کاروبار خەڵکەگە و فراوانکردن دەسەڵاتەیل لە ناحیەگە وئەوەسا بوودە ناحیەیگ لە قەزای سمێل لە پارێزگای دهۆک.  

حکومەت هەرێم کوردستان لە بەیاننامەگە وت: بڕیارەگە لە رووژ دەرچگن فەرمانەگە جیوەجی کریەێد، و ریکارەیل ئیدارەی ئەرا ئی باوەتە جیوەجی بکریەێد.