حکومەت هەرێم کوردستان وە ئامانجگرتن بارەگایگ پێشمەرگە وە دوو فڕۆکەی بێفڕۆکەوانی تەقینەوە راگەینێد
پێشەوا هورامانی قسەکەر حکومەت هەرێم راگەیان "دویەشەو ساعەت 11:45، بارەگایگ هیز پێشمەرگەی کوردستان لەبان سنوور پیرمام-هەولێر وە دوو فڕۆکەی بێفڕۆکەوان تەقینەوە پەلامار دریا، خوەشبەختانە ئی پەلامارە نەتوەنست لە ئەنجام هەر زیانیگ گیانی بڕەسنێد و تەنیا بویە هوکار زیانەیل ماددی.”
وتیش "ئی پەلامار تیرۆریستییە، کە لەلایەن هیزیگ دەیشت یاسا وە هاوکاری (جاشەیل) و هاوکارەیلیان ئەنجام دریاس، لەبان بارەگایگ پێشمەرگە وە باوەتیگ رخبەر و نیشانەی جەنگ دریەێدە قەڵەم".
قسەکەر حکومەت هەرێم ئەو لایەنەیلە و حکومەت فیدراڵی وە وەرپرسیار زانست لەو پەلامار "ترسنۆکانە" و ئاشکرا کرد کە ئی گروپە نایاساییەیلە وە مووچە دابین کریەن و لەلایەن حکومەت فیدراڵەو چەکدار بوون، ئەوان لەوەرچەو حکومەت عراق جویلە کەن، چەک و مووشەک و فڕۆکەی بێفڕۆکەوان تیارن و بەن و ئەنجامدان پەلامار تیرۆریستی لەبان دامودەزگایل فەرمی و سەربازی جیوەجی کەن.
هەمیش وت: لە وەختیگ حکومەت عێراق بیدەنگ و بێدەسەڵاتە وەرانوەریان، ئەوەنە غیرەت دیێێد کە بتوەنێد تیکەنان خەڵک کوردستان بووڕێد، و ئەو گروپاەیلیشە وەهەمان پویل ئەرایان دابین کریەێد.
هورامانی لە درویژەی قسەکیلی وتیش: چەوەڕیی وەڵام و گام ڕاستەقینەی سەرۆکوەزیرەیل حکومەت فیدراڵی کەیمن ئەرا سزادان ئەو گروپەیلە، و نووڕیمنە هەر وەڵامدانیگ لە وەخت و ساعەت گونجیای، داوا لە گشت دووسەیل و لایەنەیل کەیمن کە بیدەنگ نەوون بەی کردەوە "تیرۆریستییە"، و ئەرا پشتگیریکردن لە حکومەت هەرێم لە هەر وەڵامیج کە وە گونجاو زانێد.
