حکومەت هەرێم کوردستان مەوقەی مەرەقەزکردن مووچەی هێزە ئەمنیەیل دیاریکرد
2024-06-06T13:31:07+00:00
شەفەق نیوز/ حکومەت هەرێم کوردستان، ئمڕوو پەنجشەممە، دووپاتکرد وەرجە جەژن قوربان مووچەی هێزە ئەمنیەیل و فەرمانبەرەل بەشەوکرێد.
وەزارەت دارایی ئمڕوو وەرجە یە راگەیان، فەرمانگەی ژمێریاری سەر وەخوەیان دەسکردنە وە مەرەقەزکردن مووچەی فەرمانبەرەیل مەدەنی هەرێم کوردستان، بیجگە لە شایستەیل کەمئەندامەیل وەڕێوەبەرایەتیەیل چەودێری کۆمەڵایەتی و گەشەدای کۆمەڵایەتی و مووچەی خانەنشینەیل مەدەنی و سەربازی و شایستەی کاروبار شەهیدەیل و ئەنفالکریاگەیل و گرێبەست و شایستەیل فەرمانگەیل هەرێم، یەیش لە چوارچمگ مسۆگەر دارایەیل ئەرا مانگ ئایار 2024.
لە بەیانامەگە باس لە مووچەی هێزەیل پێشمەرگە و هێزە ئەمنیەیل ترەک هەرێم نەکرد.
قسەکەر حکومەت هەرێم کوردستان پێشەوا هاورامی ئمڕوو لە بەیاننامەیگ راگەیان، "وەرجە جەژن قوربان موچەی هێزەیل ئەمنی و گشت فەرمانبەرەیل بەشەوکرێد" وتیش "ئیمە لە چارەسەرکردن گیچەڵ مووچەی هێزە ئەمنیەیل نزیکیمن".
