حکومەت هەرێم کوردستان زیاتر لە ٦٠٠ مەلیۆن دینار ئەرا سلێمانی تەرخان کەێد

شەفەق نیوز/ وەزارەت شارەوانی و گەشتوگوزار لە حکومەت هەرێم کوردستان،ئمڕوو یەکشەممە،  راگەیان تەرخانکردن زیاتر لە ٦١٥ مەلیۆن دینار خ ئەرا ئەوزەڵکردن پڕۆژەیل خزمەتگوزاری و سەرەکی لە پارێزگای سلێمانی.  

وەزارەتەگە لە بەیاننامەیگ رەسیە ئاژانس شەفەق نیوز وت: (٦١٥،٥٤٧،٠٠٠) دينار عراقی ئەرا جیوەجیکردن پڕۆژەی ئاوەڕۆ تەرخان کردگە وەگەرد ١٥% لە داهاتەیل شارەوانی سلێمانی. 

بەیاننامەگە دووپات کرد ک پڕۆژەگە ئەوەسا لە جادەیل ١٤ و ٣٨ و ٤٨ لە سنوور شارەوانی سلێمانی بوود، وتیش  وەزارەتەگە هەمیش ٣٨١ مەلیۆن دینار ئەرا سێ پڕۆژەی تر لە ناوچەیل چوارچرا و ئایندە و شادی لە قەزای رانیە تەرخان کرد.