حکومەت هەرێم کوردستان پیرووزبایی لە ترەمپ کەێد و تەمای قویلەوکردن هاوبەشی ناوەین هەولێر و واشینتۆن دیرێد

شەفەق نیوز/ مەسروور بارزانی سەرۆک حکومەت هەرێم کوردستان، ئمڕوو چوارشەممە، پیرووزبایی لە دۆناڵد ترەمپ سەرۆک وەرین ئەمریکا کرد، ئەرا دووارە هەڵوژاردنی ئەرا پۆستەگە.

مەسروور بارزانی لە پۆستیگ لەبان ماڵپەڕ خوەی لە ئێکس نویسان، تەمای قویلەوکردن هاوبەشی ناوەین هەرێم کوردستان و ئەمریکا دیریمن، و کارکردن وەیەکەو ئەرا قایمکردن ئاشتی و ئارامی لە ناوچەگە.

دۆناڵد ترەمپ کاندید کۆماری ئمڕوو چوارشەممە، لەبان پلاتفۆرم ناوەند کۆنگرەیل باڵم بیچ لە ویلایەت فلۆریدا سەرکەفتی لە هەڵوژاردن سەرۆکایەتی ئەمریکا راگەیان.