حکومەت هەرێم کوردستان داواکارییگ دەربارەی پەنابەرەیل ئاڕاستەی لیواتنیا
2021-08-11T12:29:52+00:00
شەفەق نیوز/ سەفین دزەیی وەرپرس فەرمانگەی پەیوەندیەیل دەرەکی لە هەرێم کوردستان، ئمڕوو چوارشەممە، داوا لە حکومەت لیتوانیا کرد هاوکاری و ئاسانکاری ئەرا پەنابەرەیل عراقی لەو وڵاتەگە بکەێد تا چارەنووسیان یەکلاوە بکریەێد.
دزەیی لە پەیوەندییگ تەلەفۆنی وەگەرد وەزیر دەرەوەی لیتوانیا گابریلیۆس لاندسبیرگیس وت: بڕێ لەو پەنابەرەیلە کەفتنەسە رەوشەیل خراویگ، ئەراوە داوای هاوکاری و ئاسانکاری زیاتر لە حکومەت لیتوانیا کەن تا ئەوەنە چارەنووسیان یەکلاوە کریەێد.
دزەیی وەناو حکومەت هەرێم کوردستان سوپاس حکومەت لیتوانیا ئەرا میوانیکردن پەنابەرەیلە لە گشت عراق کرد و وە تایبەت لە هەرێم کوردستان ک لە بیلاڕووسیا رەد بوین و ئیسە خانە ناو کامپەیل لیتوانیا.
