حکومەت هەرێم کوردستان خەرجکردن مووچەی مانگ تەشرین یەکەم وەیزویە راگەینێد

شەفەق نیوز/ حکومەت هەرێم کوردستان، ئمڕوو پەنجشەممە، راگەیان ک وەزارەت دارایی و ئابوری ئەوەسا وەیزویە دەسکەێدە بەشەوکردن مووچەی مانگ تەشرین یەکەم ئەرا کارمەنەیل کەرت گشتی، و دووپات کرد ک ٨٥% لە داهاتەیل دارایی نەفتی و نانەفتی هەرێم کوردستان ئەرا مووچەیل چوود.

جوتیار عادل قسەکەر حکومەت هەرێم کوردستان لە کۆنگرەیگ رووژنامەوانی وت: حکومەت هەرێم کوردستان پشت وە دوو داهات ئابووری ئەرا دابینکردن مووچەیل بەسێد، ک ئەوەیش داهاتەیل نەفتی و نانەفتیە، و دووپات کرد ک حکومەت فیدراڵی هویچ پویلیگ ئەرا هەرێم کوردستان کل نیەکەێد، لەبان ئەوەیش هەرێم کوردستان رکدارە هەر ٣٠ رووژ مووچە بەشەو بکەێد.