حکومەت هەرێم کوردستان بوودجەیگ ئەرا سەنین واکسین کۆڕۆنا تەرخان کەێد
![حکومەت هەرێم کوردستان بوودجەیگ ئەرا سەنین واکسین کۆڕۆنا تەرخان کەێد](https://media.shafaq.com/media/arcella/1611222351854.jpg)
شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو پەنجشەممە، راگەیان گفتوگۆکردن وەزارەتەگە وەگەرد کۆمپانیایل فایزەر و ئەستڕازینیکا ئەرا سەنین دوو واکسین ڤایڕۆس کۆڕۆنا، لە وەختیگ ک حکومەت هەرێم کوردستان بوودجەیگ دارایی ئەرا سەنین واکسینەگە تەرخان کردگە ئەرا دەسکرن وە بەرنامەی دابەشکرنی دژوە پەتاگە.
بەرزنجی لە وتاریگ ئەرا رووژنامەنووسەیل ئمڕوو لە هەولێر و پەیامنێر ئاژانس شەفەق نیوز لەناویان بوی وت: وەرپرسە تەندروسیە عراقیەگان خەوردارمان کردن ک ئەوەسا لە مانگ شوبات ئایندە واکسینەگە رەسێدە وڵاتەگە و بەش هەرێم کوردستان هاناوی.
وتیش؛ هەرێم کوردستان کەناڵەیل دانووستان وەگەرد کۆمپانیا بەرهەمکارەگان واکسینەگە واز کرد، و قسە وەگەرد قونسڵیەیل وڵاتەیلیان کرد ئەرا دابینکردن رێژەیگ گەوراتر لە واکسینەگە، و ئاماژە کرد ک حکومەت کوردستان وەرجەیە ئامادەیی خوەی ئەرا دابینکردن بوودجەیگ دارایی ئەرا سەنین واکسینەگە ئەرا هاووڵاتییەگان نشان دا.