حکومەت هەرێم کوردستان ئامادە ئەرا بەشەوکردن مووچەی چوار وەزارەت کەێد
![حکومەت هەرێم کوردستان ئامادە ئەرا بەشەوکردن مووچەی چوار وەزارەت کەێد](https://media.shafaq.com/media/arcella/1659166312702.jpg)
شەفەق نیوز/ سەرچەوەیلیگ ئاگادار، ئمڕوو شەممە، خەوەردان لە تەگبیر حکومەت هەرێم کوردستان لە سپۆنسەرکردن بانکەیل ئەرا بەشەوکردن مووچەی مانگ تەمووز ئەرا چوار وەزارەت.
سەرچەوەگە ئەرا ئاژانس شەفەق نیوز وت: وەزارەت دارایی و ئابووری سەرقاڵە وە سپۆنسەرکردن بانکەیل ئەرا بەشەوکردن مووچەی چوار وەزارەت، وەزارەت تەندروسی و پێشمەرگە و دارایی و ناوخۆ.
وەگورەی ئەو زانیاریەیلە ک کەفتنە دەس ئاژانس شەفەق نیوز، ئەوەسا وەزارەت دارایی، ئمڕوو شەممە ٣٠ تەمووز ٢٠٢١ مووچەی چوار کل کەێد، تا مووچەیل مانگ تەمووز بەشەو بکریەێد.
وەگورەی سەرچەوەگە، مووچەی وەزارەتەیل تەندروسی و پێشمەرگە و دارایی و ناوخۆ یەکەم جار بەشەو کریەێد، ئیجا وەگورەی خشتەی مانگەیل گوزەشتە مووچەی گشت وەزارەتەیل بەشەو کریەێد.