حکومەت هەرێم کوردستان 19 ملیون دۆڵار ئەرا پرۆژەی ئاو دەربەندیخان تەرخان کەێد
2021-11-21T08:30:09+00:00
لشەفەق نیوز/ فەرمانگەی راگەیانن و زانیاری لە حکومەت هەرێم کوردستان، ئمڕوو یەکشەممە، راگەیان رەسینە قۆناغ نواچین لە پرۆژەی ئاو گەپ دەربەندیخان لە پارێزگای سلێمانی.
وەزارەتەگە لەبەیاننامەیگ رەسیە ئاژانس شەفەق نیوز وت: پرۆژەگە یەکیگە لەو پڕۆژە گەپەێلە وەلایەن کابینە نۆیەم حکومەت هەرێم جیوەجی کرێد و چارەی ئاو خواردن ئەرا زیاتر لە 12 هەزار خێزان لە قەزای دەربەندیخان کریەێد.
وتیش؛ تا ئیسە ڕێژەی تەواوبۊین لە 55٪ رەدکردیە، یەیش خاسە لەور ئی قەیران داراییە ساڵانیگە هەرێمەگە گردیە، حکومەت هەرێم 19,7 ملیۆن دۆلار ئەرای تەواوکردنی تەرخان کردیە.
دیاری کرد، پرۆژەگە 1000م دوجالە ساعاتێگ بەرهەم تێرێد، ئی بڕەش بەسە تا بڕەسێدە شمارەی فرەێگ لە خێزانەێل دۊیای ئەوە ئاو سێ رووژ جارێک رەسێد وەپییان.
