حکومەت هەرێم راگەینێد خەرجکردن زیاتر لە ٦ تریلیۆن دینار لە مووچەیل ٢٠٢٠
شەفەق نیوز/ فەرمانگەی راگەیانن وزانیاری لە حکومەت هەرێم کوردستان، ئمڕوو شەممە، راگەیان خەرجکردن ٨ مووچەی فەرمانبەرەیل و کارمەنەیل لە کەرت گشتی لە ماوەی ساڵ ٢٠٢٠، بەشیگ لەلی حکومەت هەرێم داگەسەی، و ئەو بەشەگە حکومەت فیدڕاڵی دابینی کردگە، و ئاماژە کرد ک بڕ گشتی ئەو پویلەیلە ک ئەرا مووچەگان دابەش کریانە رەسیە شەش تریلیۆن و ٥٠٠ ملیار دینار عراقی.
فەرمانگەگە لە خشتەیگ ک ئمڕوو بڵاوی کرد لە ئامارەیلیگ وە ژمارە لە مووچەگان وت: حکومەت هەرێم رێژەی ٦٣،٨٪ دابین کردگە، وحکومەت فیدڕاڵی ٣٦،١٪ لە بڕ گشتی ئەو مووچەیلە دابین کردگە.
و دیاریکرد ک حکومەت هەرێم مووچەی رووژەیل ١٣- ١و ٢- ٩ و ٩-٣، ٤-٥، ٢٧-٦، ١٨-٨، و ١٥-١٠، و ١٢-٣ لەماوەی ساڵ ٢٠٢٠ دابەش کردگە، بەڵکم مووچەیل مانگ نیسان و تەمووز و ئەیلوول و تەشرین دوویەم دابەش نەکریانە.
فەرمانگەگە ئاماژە کرد لە بڕین بایی ١١ ملیار و ٨٨٠ مەلیۆن دینار لە مانگەیل؛ کانون دوویەم، شوبات، ئادار، نیسان لەلایەن حکومەت فیدڕاڵی.
وەگورەی خشتەی فەرمانگەگە، حکومەت فیدڕاڵی بایی ٤٠٠ ملیار دینار رەوانە کردگە، بەڵکم لە مانگەیل ٥ و ٦ و ٧ و ١٠ و ١١ و ١٢ هیچ پویلیگ ئەرا حکومەت هەرێم کوردستان رەوانە نەکردگە.
فەرمانگەگە هەمیش وت؛ حکومەت هەرێم کوردستان لە ساڵ ٢٠٢٠ شەش تریلیۆن و ٥٠٥ ملیار و ٩٨٨ مەلیۆن و ٣٠٧ هەزار و ١٧٦ دینار عراقی ئەرا مووچەیل فەرمانبەرەگان تەرخان کردگە.
