حکومەت هەرێم توومەتبار لایەنگرەیل دوو حزب کورد کەێد ک بوینە هووکار لە کارەیل ئاژاوە لە زاخۆ
شەفەق نیوز/ نووسینگەی هەماهەنگکار وەڵام لە راپۆرتە ناودەوڵەتیەگان لە حکومەت کوردستان توومەتبار لایەنگرەیل پەکەکە کرد و جوولانەوەی نەوی نوێ، وە هووکاربوینیان لە دەیان زەخمداری لەناو ئەندامە ئەمنیەگان ومەدەنیەگان لە کارەیل ئاژاوەی دڕندەیگ لەدویای خۆپیشاندانیگ لە شار زاخۆ لە پارێزگای دهۆک لە ناڕەزایەتییگ لەبان وەناوهاتن ماشینەیل بار تورکی.
لە رووژ ١٩ی ئاب ٢٠٢٠ کارەیل ئاژاوە لە زاخۆ دەسکردەپی.
نووسینگەی تەمەیە ناودەوڵەتیەگان لە حکومەت کوردستان لە بەیاننامەیگ رەسیە ئاژانس شەفەق نیوز وت: حکومەت هەرێم وەتەواوەتی پابەندە ومقەیەتی ئازادی را و پاڵپشتیی لە خۆپیشاندانەگان و ناڕەزایەتیە مەدەنیەگان ک وەئامانج پشتگیری خوەشگوزرانی کۆمەڵایەتی و بەرژەوەنی گشتیە، بەڵکم وەزوی ری ئەو ناڕەزایەتیەیلە لە شەو ١٩ی ئاب لەلایەن لایەنگرەیل پەکەکە و جوولانەوەی نەوی نوێ و چەن حزبیگ تر ئاڵشتەو بوی ئەرا کارەیل ئاژاوە.
وتیش؛ ناڕەزایەتیەگە لەلایەن شۆفێرەیل ترێلەگان بوی ک هەست کردن کردنەوەی مەرز ئیبراهیم خەلیل وەگەرد تورکیا ری دەێدە شۆفێرەیل تورکیا ئەرا وەناوهاتن هەرێم کوردستان، ک پێشبینە ئی گامە زەرەد وەکارەیلیان بیەێد، وەگەرد ئەوەیش، وەزوی تاوانبارەگان دروشمەیل پەکەکە وتیان، ودەسکردنە تەقەکردن وەرەو هێزە ئەمنیەگان، ک هیشت ناڕەزایەتیەگە بوودە شیواشیو گشتی ک کارەیل خراوکردن و پێشیلکاری کرد، وبویە هووکار چەن زەخمدارییگ لەناو ئەندامەیل هیزە ئەمنیەگان و مەدەنیەگان.
وەگورەی بەیاننامەگە؛ ٢٦ ماشین پۆلیس و ماشین مەدەنی زەرەدمەن بوین، وهەمیش ماڵداریەیل گشتی و تایبەتەگان، وئاماژەیە ک لەوەختیگ خەوەردریا ک گردەوبوینەگە وەئامانج باسکردن لە مافەیل شۆفێرەگان کەێد، تەنیا ٤ شۆفێر لە لێکۆڵینەوەگان دیارکەفتن، وفرەی ئەوانەگ بەشدار خۆپیشاندانەگە بوین لە خەڵک زاخۆ نەوین.
