حکومەت عراق ئاگادار شەفەق نیوز کەێد لە بڕگە و گامەیل چارەسەرکردن ناکۆکی لەبان نەفت کوردستان
عەوادی ئەرا ئاژانس شەفەق نیوز وت: “پرس نەفت هەرێم کوردستان دیرێد یەکلایی بوود، لایەن تورکیایش زیاتر لە مانگیگ وەرجەیە عراق ئاگادار کردگە کە ئامادەی نەفت لە ری لویلەی جیهان تورکیا کل بکەێد، و هویچ گیچەڵیگ ئەرا کلکردن نەفت لە ری تورکیا”.
وتیش: "گیچەڵ ئیسە لە ناوەین هەرێم و حکومەت ناوەندی، وەتایبەتی ماف کۆمپانیایل دەرهاوردن نەفت لە هەرێم، وەگورەی ئەو بڕیار نووە ئەرا ئەو کۆمپانیایلە رەفتار وەرد حکومەت فیدراڵی و سۆمۆ بکەن، ئەراوە گریەبەس و کۆمپانیا و دانوسەنین نوو هەس و تورکیا ئامادەس و عراق لەوە ئاگادار کردگە." .
ئمڕوو دووشەممە، ئەردۆگان دویای سەردانیگ له ساڵ 2011 رەسیە عراق و دانوسەنینەیل عراق و تورکیا و رووشنایی خریا بان باوەت ئەمنی و سەربازی و ئابوری، بیجگه له فراوانکردن هاوکارییه بازرگانییەیل.
تورکیا ئویشێد تەقەلای وەرگردن هاوکارییگ گەورەتر لە بەغداد دەێد لە جەنگی دژوڵ پەکەکە، کە کەو باوەتە پەیوەندییەیل ناوەین دوو وڵات شیوان لەوەر ئۆپەراسیۆنە سەربازییەیل تورکیا لە باکوور عراق، و ناکۆکی لەبان هەناردەکردنی نەفت و هاوبەشکردن ئاو کەم.
ناکۆکی لەبان هەناردەکردن نەفت لە هەرێم کوردستان وە تایبەتی سەختە، و هەردوگلا لەبان دووارە هەناردەکردن نەفت لە لویلەگەو لەڕی تورکیاو ناکۆکن.
دویای نزیکەی دە ساڵ لە داوای ناوجیکردن ناودەوڵەتی، حکومەت عراق دانوەپیدان وە ماف خوەی ئەرا کۆنتڕۆڵکردن هەناردەکردن نەفت وەدەس هاورد و ئەنقەرەیش بڕیار قەرەبوو گواستنەوەی نەفتەگەی وە بی رەزامەنی بەغدا دریا وە بڕ یەک ملیار و 500 ملیۆن دۆلار. لە ناڕەزایەتیی لەبان ئەوە ئەنقەرە لویلەی هەناردەکردنی بەسا.
دویای ئەوە ئەنقەرە دەس وە کار خاسەوکردن ئەو لویلە کرد کە نزیکەی 0.5% لە دابینکردن نەفت خاو لە جەهان بەشدارە. هەردوگ وڵات ڕێککەفتن لەبان ئەوە پەوەڕی بکەن تا هەڵسەنگاندن خاسەوکردن لویلەیل تەواو بوود ئەرا دەسکردن وە ریکارەیل.
