جمشت ئسلامى لايه‌نه‌يل به‌شدار له حكومه‌ت هه‌رێم وه دروسكه‌ر قه‌يرانه‌يل تومه‌تبار كرد
عه‌بدوڵڵا وه‌رتى قسه‌كه‌ر وه‌ناو جمشته‌گه له باسيگ ئه‌را(شه‌فه‌ق نيوز)وت: لايه‌نه‌يل سياسى ك ئيسه به‌شدارن له حكومه‌ت هه‌ر يه‌كيگ له‌ليان وه گووره‌ى قه‌واره‌ى خوه‌ى وه‌رپرسه له‌بان ئه‌و قه‌يرانه‌يله ك ئه‌ياده تويش هه‌رێم چ قه‌يرانه‌يل دارايى يا قه‌يران به‌نزين يا ئاو سازگار ئه‌را خواردن.
وه‌رتى هه‌ميش وت: ئى قه‌يرانه‌يله ك له‌ناونى ماوه‌يگ و ماوه‌يگ تر ئه‌ياده تويش هه‌رێم له پيلان بريگ له وه‌رپرس و لايه‌نه‌يله ك جوور وازييگ سياسى و ئابووريه وه‌خاتر به‌رژه‌وه‌نديه‌يل تايبه‌تيان يا جوور فشارخستن له‌بان هاووڵاتيه‌يل و سزاداينيان.
وه‌رتى باس له‌وه‌يش كرد ك به‌نزين وه په‌تى ئه‌ريه‌يده وه‌رپرسه‌يل و كاره‌بايش هويچ وه‌ختيگ له مناڵ وه‌رپرسه‌يل ناوڕيه‌يد و ئاويش هه‌ميشه ئه‌را خوه‌يان و باخ و باخچه‌و ماڵيه‌يليان دابين كرياگه‌و ته‌نيا هه‌ر هاووڵاتيه تويش قه‌يران ئه‌دێ.
ج . أ
