جیوەجیکردن نزیکەی ٢٥٠٠ پرۆژە ئەرا خاسکردن ژینگە لە هەرێم کوردستان

شەفەق نیوز/ سەرۆک دەسەی پشگیری و خاسترکردن ژینگە لە هەرێم کوردستان عەبدولرەحمان سەدیق، ئمڕوو یەکشەممە، خەوەردا لە گورجکردن مقیەتیکردن لە ناوچەیل سروشتی کوردستان و دیاریکرد 3000 پرۆژەی کارکردن وەلایەن  دەسەی دەسەڵاتەو دابین کریایە و وەی دۊیاییە نزیکەی 2500 پروژە جیوەجیکریایە ئەرا خاسترکردن و مقیەتیکردن لە ژینگەی هەرێم کوردستان.  

یەیشە لە کۆنگرەیگ رووژنامەوانی هاتییە ک  سەدیق ئمروو سازیدا  ک باس  کار و چالاکییەیل دەسەگە  لە ماوەی ساڵ 2021 کەێد.    

لەماوەی کۆنگرەگە ک ئاژانس شەفەق نیوز ئامادەی بۊی  وت: 2876 پرۆژە دەرفەت وەپیدریاگە‌ لە مژارەیل جیاجیا وە لایەن دەسەی  ژینگە، لەمابەێنیان 48 پرۆژە رەدکریانە، 5542 پرۆژەیتر هانە ژیرلێکۆلینەوە و چەودێری دۊیای وەرگردن  36131 لە نموونەیلەی ژینگەی هەرێم کوردستان ئەرا پارێزگاری کردن ژینگە، وەگەر 2415 چالاکی ژینگەیی.       

سەرۆک دەسەگە راگەیان، لە ساڵ 2021 بڕ 332 ملیۆن  دینار عراقی جۊر هاوردە ژینگەیی جەم کریایە.    

وتیش،   25  دۆنم لە زەۊی دابینکریاگە ئەرا پرۆژەیل نیشتەجیبۊین و دیاریکرد، 220 رێکخریاگ ژینگەیی لە کوردستان هەس.