جەنگ و تەقە ناوەین هیزەیل تورکیا و پەکەکە و کەفتن فڕۆکەیگ بیفڕۆکەوان باکوور دهۆک
2023-10-20T14:33:39+00:00
شەفەق نیوز/ وەچەودیەیل، ئمڕوو جمعە، خەوەردان لە قومیان جەنگ و تەقە ناوەین هیزەیل تورکیا و چەکدارەیل پەکەکە، لە وەختیگ فڕۆکەیگ بیفڕۆکەوان نەناسیاگ لە قەزای عمادیە باکوور پارێزگای دهۆک لە هەرێم کوردستان کەفتە خوار.
وەچەودیەیل ئەرا ئاژانس شەفەق نیوز وتن: رویوەڕوی چەکدار لە ناوچەیلیگ جیاجیا لە کویەی مەتین بان قەزای عمادیە باکوور دهۆک کەفتە ناوەین هەردوگ لایەنەگە.
وتنیش: ماڵ هاووڵاتییگ خەڵک ئاوای کوانی کەفتە وەر تەقەکردن راستەخۆ لە ئەنجام ئەو جەنگە، و بویە هوکار زەرەدەیلیگ دارایی وەبی کەفتن قوربانی.
لەلاییگ ترەک، سەرچەوەیگ حکومەتی خەوەردا لە کەفتن فڕۆکەیگ بیفڕۆکەوان نەناسیاگ لە ناوچەیگ نزیک لە قەزای عمادیە.
