جیگر سەرۆک هەرێم کوردستان ئاشکرای پیلان جەنگیگ لە کوردستان کەێد
شەفەق نیوز/ شێخ جەعفەر شێخ موستەفا جیگر سەرۆک هەرێم کوردستان، ئمڕوو جمعە، وت: تەقەلایلیگ هەس تا جەنگیگ بکەفێدە ناوبەین پەکەکە و پێشمەرگە لەبان زەوی هەرێم کوردستان.
شێخ موستەفا لە پۆستیگ لەبان فەیسبووک نووسان: وەداخەو ک تەقەلایلیگ ئەرا دروسکردن جەنگیگ لەناوبەین هەردوگلاگە لەبان زەوی هەرێم کوردستان، و ئومید خوازم ئەوە روی نیەێد و خوین رشانن بووسیەێدەو، ئیجا پرسیار کرد: ئەرا چە پەکەکە چالاکیەیلی لە بان خاک هەرێم کوردستان خەسەو کرد، ک وەخوین شەهیدەیل دامەزریا، و دەسپیچگ دریەێدە تورکیا تا پەلامار هەرێم بەێد؟.
وتیش؛ ئیمە وەگەرد ئەوە نییمن ک هەر هێزیگ بیگانە بایدە ناو سنوور خاک و سەروەریمان، وەلێ لە خود وەختەگە رێز لە حزبەیل ئۆپۆزسیۆن لەبان خاک هەرێم کوردستان دیریمن، و ری ئەرا چالاکیەیل سیاسییان دایمن، بەڵکم قەت ری وە جەنگ و شیوانن ئاسایش و ئارامی و بارکردن و کوشتن دەیان لە مەدەنیەیل لەناوچەگە نیەیمن.
دەربارەی ئەو رووداوەیلە ک لەی دویاییە کەفتە ناوبەین پەکەکە و پێشمەرگە، شێخ موستەفا وت: ئە پیلانیەگە دژوە نەتەوەی کورد، وداوا لە کورد وەگشتی کرد بوونە یەکیگ ئەرا نواگردن ئەو پیلانە.
