تەندروسی کوردستان رێکاریگ گونجیاگ راگەینێد ئەرا نواگردن لە بڵاوبوین کۆڕۆنا
شەفەق نیوز/ وەزارەت تەندروسی لە هەرێم کوردستان، ئمڕوو سێشەممە، راگەیان لە رێکاریگ ک ( وە گونجیاگ باسی کرد) ئەرا نواگردن لە بەرزەوبوین مەترسیدار تووشهاتنەگان وە ڤایڕۆس کۆڕۆنا لە هەرێمەگە.
سامان بەرزەنجی وەزیر تەندروسی کوردستان، لە بەیاننامەیگ ك رەسیە ئاژانس شەفەق نیوز وت: لە وەخت ئیسە بەرزەوبوینیگ ئەرا ڤایڕۆس کۆڕۆنا هەس لە ناو کۆمەڵگاگە وەشیوەیگ گەورا، و هەژمار هەڵگرەیل ڤایڕۆسەگە و حاڵەته‌یل سەخت و مەترسیدار پەتاگە ورێژەی مردن فرەوەبووین،
وتیش: ئەوە هێشت رێژەی تووشهاتگەیل فرەتر بوون لە رێژەی خاسەوبویەیل وە شیوەیگ گەورا، و خاسترین ری ئەرا کەمەوکردن ئی ڤایڕۆسە تەنیا ئەوەسە ک بووشایی ناونی مەردمەگە بوود، وەگەرد وەکارهاوردن دەمامەک، و وەردوامی ئەنجامداین تاقیەگان.
ودیاری کرد ک شیوە نووەگەی قەیەغەی هاتووچگنەگە کەفێدە زیایکردن بووشایی ناونی کەسەیل ناو کۆمەڵگا، ئەرا کەمەوکردن لە مەترسی گواستنەوەی پەتاگە وەگورەی توانا.
وەزارەت تەندروسی لە حکومەت هەرێم کوردستان، دویەکە دووشەممە تۆمارکردن هەژماریگ بیوینه راگەیان لە تووشهاگەیل وە ڤایڕۆس کۆڕۆنا ک بویە ٢٩٩ تووشهاتگ، بیجگە ٨ مردگ لە ماوەی ٢٤ ساعەت
