٥٧١ تووشهاتن نوو وە کۆڕۆنا لە هەرێم کوردستان

شەفەق نیوز/ وەزارەت تەندروسی لە هەرێم کوردستان، ئمڕوو یەکشەممە،  نزیکەی ٦٠٠ تۊشهاتن نوو وە ڤایڕۆس کۆڕۆنا تۆمار کرد، تا گشت ژمارەی تووشهاتنەگان لە ناوچەو شارەگان هەرێم بڕەسێدە ٨٩٦٠٠.

وەزارەتەگە لەبەیاننامەیگ رەسیە ئاژانس شەفەق نیوز وت: ٥٦٦٣ تاقیکردنەوە ئانجامدا وەیجۊرە: ٢١٤٤ هەولێر، ٧٦١ سلێمانی ، ٢٤٥٤ دهۆک، ٣١ هەڵەبجە، ٢٢٣ گەرمیان، ٥٠ راپەڕین.

 وتیش؛ لەماوەی ٢٤ ساعەت گوزەیشتە ٥٧١ تۊشهاتن نوو تۆمارکرد وەیجۊرە بەشەەوبۊن: ٢٣١ هەولێر، ١٦١ سلێمانی، ١٢١ دهۆک، ٩ هەڵەبجە، ٤٦ گەرمیان، ٣ راپەڕین.

بەیاننامەگە ئاماژەدا وە خاسەوبۊن ٤٢٦ تۊشهاتگ وەیجۊرە: ١٠٣ هەولێر، ٢٥ سلێمانی، ٢٣١ دهۆک، ١٥ هەڵەبجە، ٥٢ گەرمیان، تا ژمارەی خاسەوبویەگان بڕەسێدە ٥٥٢٨٢.

وەزارەتەگە هەمیش وت: ٢٨ تۊشهاتگ ئمڕوو مردن، وەیجۊرە: ٥ هەولێر، ٦ سلێمانی، ٨ دهۆک، ١ هەڵەبجە،  ٨ راپەڕین، تا ژمارەی مردنەگان بوونە ٢٨٤٣، وهیمان ٣١٤٧٥ تووشهاتگ مەنیە.