٢٣ تووشهاتن نوو وە کۆڕۆنا لە ناوچەیل ئیدارەی سەروەخوەیی
![٢٣ تووشهاتن نوو وە کۆڕۆنا لە ناوچەیل ئیدارەی سەروەخوەیی](https://media.shafaq.com/media/arcella/1611041338287.jpg)
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، راگەیان تۆمارکردن ٢٣ تووشهاتن نوو وە ڤایڕۆس کۆڤید-١٩ لە ناوچەیل باکوور و خوەرهەڵات سوریا.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: ٩ پیاو و ١٤ ژن تووشهاتنە.
تووشهاتنە نووەگان وەیجوورە بەشەوە بوین: حەسەکە ٣، قامشلۆ ٢، دێریک ١، کەرکی لەکی ٢، جل ئاغا ١، ریقە ٥، تەبەقە ٣، مەنبج ٣، شەهبا ٢.
موستەفا وتیش؛ دە خاسەوبوین تۆمار کریاگە.
ژمارەی تووشهاتنەگان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٣٦٣، لەلیان ٢٨٤ مردنە و ١٢٨٢ خاسەوبوینە.