تووپ تورکیا ٢٥ گولە دیەێدە باخەیلیگ لە دهۆک

شەفەق نیوز/ شەلال فندی وەڕیۆبەر ناحیەی دەرکار، ئمڕوو سێشەممە، خەوەردا ک چەن ناوچەیگ لە پارێزگای دهۆک کەفتە وەر تووپواران لە لایەن تورکیا.

فندی ئەرا ئاژانس شەفەق نیوز وت: شەوەکی ئمڕوو، تووپەیل تورکیا  دانە ناوچەیلیگ لە کویەیل خامتیر وهەمیش ئەشکەفت گەشتیاری بەهیری لە باکوور ناحیەگە.

وەڕێوبەر ناحیەی دەرکار وتیش: تا نزیکەی یەک ساعەت تووپوارانەگە وەردەوامبوی، و ٢٥ گولەی تووپ وەشیا.

و ئاماژە کرد ک تووپوارانەگە زەنجیرەی کویەی خامتیر و دەورگرد ئەشکەفت بەهیری کردە ئامانج، و وتیش؛ زەردەیلیگ دارایی وە دالیەو باخەیل کشاورزەگان نەڕەسی و زەخمداربوین نەوی.