تورکیا کوشتن هەفت پەکەکە لە هەرێم کوردستان راگەیان لەناویان وەرپرس دیاریگ هەس
وەزارەتەگە لە بەیاننامەیگ راگەیان، "لەناوداین" ئەو کەسەیلە لەری گورزیگ ئاسمانی بویە وەبان ناوچەی ئۆپراسیۆن "چنگ".
ئاشکەرایکرد "کالکان" ناسریاگە وە "سوکان تشالا" یەکیگە لەوانەگ لەناو لیست سوور داواکریاگەیلە، وە توومەت "دامەزرانن و ئیدارەکردن رێکخریاگ تیرۆرستی".
هەمیش ئاژانس فەرمی ئانادۆلۆی تورکیا لەری سەرچەوەیگ ئەمنی راگەیان، لە ئۆپراسیۆنیگ ئاسمانی لە سلێمانی وەلایەن هەواڵگێری تورکیا، هەریەک لە عومەر فورات ناسریاگ وە "تولهێڵدان کە وەرپرس پەکەکەس لە سلێمانی، و یاوەرەگەی هەریەک لە عرفان زندی ناسریاگ وە "رامان رێناس"، و هێدایەت رەسولی، ناسریاگ وە "سینغافیر میکایل"، کە ئیرانین لەناوبریان.
سەرچەوە ئەمنیەگە وتیش، لە ئەنجام ئەو ئۆپراسیۆنەیلە هێزە چەکدارەیل تورکیا لە هەرێم کوردستان جیوەجیکردنە، ئەندامەیل پەکەکە لە سلێمانی داوەزیانە وەرەو دەوروگەرد پارێزگاگە شوینەیلیان گواستنەسەو.
