تورکیا وە خەسی پەلامار شوینەیل پەکەکە دەێد لە دهۆک و راپەڕین لەناو هەرێم کوردستان
2023-11-06T10:11:44+00:00
شەفەق نیوز/ سەرچەوەیگ وەرپرس، ئمڕوو دووشەممە، خەوەردا ئاوای کوهەرزێ سەر وە قەزای ئامێدی باکوور دهۆک رویوەڕوی پەلاماردان خەسیگ بوی وەلایەن تووپخانەیل تورکیا.
سەرچەوەگە وە ئاژانس شەفەق نیوز وت، دوو تووپ کەفتیەسە ناو سنوور ئاوایەگە، شمارەیگتر لە تووپەیلە کەفتنە ناوچەیل دەوروگەرد وەبی ئەوەگ قوربانی بوود لەناو دانشتگەیل ناوچەگە.
وەپای هەمان سەرچەوە، ناوچە جیاوازەیل زنجیرە کوەیەی مەتین وەهەمان شیوە پەلامار دریایە و ئەندامەیل پەکەکە کریانەسە ئامانج.
دەزگای دژە تیرۆر هەرێم کوردستان لە بەیانامەی کوڵیگ وت: درۆنەیل تورکیا لە ساعەت 11:15 ئمڕوو شەوەکی شماەیگ لە ئەندامەیل پەکەکە کردنە ئامانج لە ئاوای بوسکەینی سەر وە قەزای رانیە لە ئیدارەی راپەرین، لە ئەنجام دوو کەسیان کوشیان و دوانیش زەخمدار بوی.
