تورکیا پەلامار چەن ناوچەیگ لە ئامێدی باکوور دهۆک دەێد
2024-09-01T15:02:35+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا فرۆکەیل تورکیا گورزەیل ئاسمانی وەشاننە ئەرا چەن ناوچەیگ لە قەزای ئامێدی باکوور دهۆک.
سەرچەوەگە وە ئاژانس شەفەق نیوز خەوەردا، گورزەیلە ناوچەیل رزێکی لە بریکاری وەبان کویەی گارە کردنەسە ئامانج وەگەرد ناوچەیل دەوروگەرد ئاوایەیل کوهیرزێ و بلافا لە ناوچەی نهیلی وەبان کویەی مەتین.
وتیش؛ گورزەیلە زەرەد گەپیگ مادی وە بووسان مەردم ناوچەگە رەسانییە.
