تورکیا راگەینێد کۆتایی ئۆپراسیۆنەگەی لە کوێەی گارە
شەفەق نیوز/ خەلوسی ئەکار وەزیر وەرگری تورکیا، شەفەق ئمڕوو یەکشەممە، راگەیان کۆتایی هاوردن وە ئۆپراسیۆن سەربازی هێزە تورکەکان دژوە پەکەکە لە کوێەی کارە لە قەزای عمادیە سەروە پارێزگای دهۆک ک چوار رووژ وەردەوام بوی.
ئاژانس ئەنادۆڵ تورکی فەرمی لە زوان ئەکار وت: ٤٢ ئەندام لە پەکەکە کوشیان و دووان لەناو ئۆپراسیۆنەگە دەسگیر کریان.
وەزیر وەرگری تورکیا ئاماژە کرد ک سێ سەرباز تورکی کوشیان و سێیان تر زەخمدار بوین، وهەمیش تەرم ١٣ هاووڵاتی تورک لەناو یەکیگ لە ئەشکەفتەگان پەیا کریا.
ئەکار وتیش؛ ئۆپراسیۆنە سەربازیەگە وە سەرکەفتن تەواو بوی و ناوچەگە پاکەو کریا.
وەرجەیە، هیوا زاگرۆس وەرپرس پەیوەندیەگان رێکخراو کومەڵگای دیموکراتی سەروە پەکەکە، وت: پەلامارە تورکیەگە لە ئازادکردن دەسوەسەرکریایەیل تورک لەلای پەکەکە لە ناوچەیک کوێەی لە هەرێم کوردستان شکست هاورد.
