توپخانەیل تورکیا پەلامار شوینەیل پەکەکە دەن لە باکوور دهۆک

شەفەق نیوز/ شایەتحالەیل، ئمڕوو سێشەممە، خەوەردان تووپخانەیل تورکیا وە خەسی پەلامار شوینەیل پەکەکە دان لە لاپاڵ کویەی مەتین، کە کەفێدە بان قەزای ئامێدی باکوور پارێزگای دهۆک.

سەرچەوەیگ ناوخوەیی وە ئاژانس شەفەق نیوز وت، " لە پەلامارەگە دوڵ مێوین نزیک ئاوایەگە گیریاسە ئامانج، بەرزەوبوین دویکەڵ لە شوین پەلامارەگە دوینریاس".

وەپای سەرچەوەگە، تا ئیسە زانیاری هویردیگ نییە لەباوەت بڕ زەردەیل گیانی یا مادی پەلامارەگە.

دیاریکرد، لەماوەی سێ رووژ یە دویەم پەلامارداینە ناوچەگە بگیرێدە ئامانج، لەچوارچمگ ئۆپراسیۆنەیل سەربازی کە هێزەیل تورکیا دژ وە پەکەکە ئەنجامیدان.