ته‌ندروستى هه‌ولێر كه‌ره‌سته‌ى تازه‌ى پزيشكى ئه‌را چاره‌سه‌ر تويشهاتگه‌يل كۆرۆنا وه‌رگرت
2020-03-31T14:29:27+00:00
شه‌فه‌ق نيوز/ ئمڕوو فورفه‌ى بازرگانى و پيشه‌سازى له پاريزگاى هه‌ولێر، هه‌فت ئامێر تازه‌ى هه‌ناسه‌دان پزيشكى دا وه‌ڕيه‌وبه‌رايه‌تى ته‌ندروستى گشتى له پاريزگاگه له‌وه‌ر پشتگيرى له نه‌خوشخانه‌يل تايبه‌ت وه چاره‌سه‌ر تويشهاتگه‌يل وه ڤايرۆس كۆرۆنا.
له‌ى باوه‌ته‌و، دكتۆر دلۆڤان محه‌مه‌د وه‌ڕيه‌وبه‌ر ته‌ندروستى له كۆنگره‌يگ رووژنامه‌گه‌رى ك وه‌ل ئه‌ندامه‌يل غورفه‌ى بازرگانى و پيشه‌سازى ئه‌نجامى دا سوپاسگوزارى له‌ى ده‌سپيشخه‌رييه كرد و وت: ئى ده‌سپيشخه‌رييه كاريگه‌رى خاسيگ له‌لى ئه‌كه‌فێده‌و له چوارچيوه‌ى چاره‌سه‌ركردن حاڵه‌ته‌يل تويشهاتن وه ڤايرۆس كۆرۆنا.
جى باسه، محه‌مه‌د داوايش له بازرگان و كه‌سه‌يل ده‌وڵه‌مه‌ن و سه‌رمايه‌داره‌يل و خێرومه‌نه‌يل كرد ده‌سميه‌ت ده‌زگايه‌يل ته‌ندروستى بيه‌ن ئه‌را روێ وه‌ڕوێ بوينه‌وه‌ى ڤايرۆس كۆرۆنا.
