ته‌ندروستى سلێمانى زانيارى تازه دا له‌باره‌ى مردن ژنيگ تويشهاتگ وه كۆرۆنا
2020-04-11T09:37:49+00:00
شه‌فه‌ق نيوز/ وه‌ريه‌وبه‌رايه‌تى ته‌ندروستى سلێمانى، ئاشكراى ئه‌وه كرد ك جه‌ڵته‌ى دڵ هووكار مردن ژنيگ تويشهاتگ وه ڤايرۆس كۆرۆنا بويه له پاريزگاگه، يه‌يش له‌وه‌ختيگ ك زويتر وه‌زاره‌ت ته‌ندروستى له هه‌رێم كوردستان ئاشكراى تۆماركردن حاڵه‌تيگ مردن ئه‌را ژنيگ كرد له ته‌مه‌ن 65 ساڵ وه ڤايرۆس كۆرۆنا.
له‌ى باوه‌ته‌و، دكتۆر ياد نه‌قشبه‌ندى قسه‌كه‌ر وه‌ناو ته‌ندروستى سلێمانى ئه‌را شه‌فه‌ق نيوز وت: وه‌گووره‌ى ته‌شخيسكردن، ئه‌و حاڵه‌ت مردن له ئه‌نجام جه‌ڵته‌ى دڵ بويه ك تۆمار كرياگه‌و له ئه‌نجام كاريگه‌رى ڤايرۆسه‌گه نه‌ويه.
جى باسه، نه‌قشبه‌ندى هه‌ميش وت: ئه‌و نه‌خوه‌شه له بنه‌ڕه‌ته‌و له نه‌خوه‌شخانه بويه وه‌بوونه‌ى خراوى حاڵه‌ت ته‌ندروستيى و نه‌خوه‌شى داشتگه ك وه‌زاره‌ته‌گه وه تويشهاتگ وه ڤايرۆس كۆرۆنا باسى كردگه.
