ته‌رم كورديگ دويره وڵات وه كۆرۆنا مردگه له‌ڕێ ته‌ياره‌خانه‌ى هه‌ولێره‌وه هاورياوه
شه‌فه‌ق نيوز/ ده‌مه‌و شه‌وه‌كى ئمڕوو ته‌رم كورديگ دويره وڵات له سويد ره‌سيه ته‌ياره‌خانه‌ى ناوده‌وڵه‌تى هه‌ولێر له‌وه‌ر ئه‌وه‌گ له زێد خوه‌ى له پاريزگاى كه‌ركوك وه‌خاك بسپاريه‌ێد له‌بان وه‌سيه‌ت خوه‌ى دوياى مردنى وه په‌تاى كۆرۆنا.
له‌ى باوه‌ته‌و، سه‌رچه‌وه‌يگ ئاگادار ئه‌را شه‌فه‌ق نيوز وت: ته‌رم ئه‌و هاووڵاتى كورده له‌ڕێ ته‌ياره‌خانه‌ى ناوده‌وڵه‌تى هه‌ولێره‌و ره‌سيه‌سه كه‌ركوك ك له‌سويد مردگه وه په‌تاى كۆرۆنا، ك يه‌يش يه‌كه‌م حاڵه‌ت مردنه وه‌و په‌تا باريه‌ێده‌و ئه‌را سه‌رجه‌م عراق.
سه‌رچه‌وه‌گه وت: ئه‌و هاووڵاتيه ك مردگه ناوى ئه‌حمه‌د عه‌بدوڵڵا ته‌وفيق و زاينده‌ى ساڵ 1961 بويه و له وڵات سويد نيشته‌جى بويه له‌ساڵ 1998ه‌وه و ره‌گه‌زنامه‌ى ئه‌و وڵاته داشتگه‌و خاوه‌ن 4 كوڕ و 5 دويه‌ته‌و له سويد ژيه‌ن و وه‌سيه‌ت وه مناڵه‌يلى كردگه له زێد خوه‌ى له ئاوايى باوه له پاريزگاى كه‌ركوك وه‌خاك بسپاريه‌ێد.
