تاوانیگ رخبەر لەناو مەکتەویگ لە دهۆک...خوەنەواریگ هاوڕیەگەی وە دەوانچە لەناو پۆل کوشێد
2023-11-28T09:42:44+00:00
شەفەق نیوز/ سەرچەوەیگ لە پۆلیس پارێزگای دهۆک، ئمڕوو سێشەممە، خەوەردا لە رویداویگ تاوان کوشتن لەناو یەکسگ لە مەکتەوەیل قەزای سمێڵ خوەرئاوای پارێزگاگە.
سەرچەوەگە وە ئاژانس شەفەق نیوز خەوەردا؛ "خوەنەواریگ هاوڕیەگەی خوەی لەناو پۆل وە دەوانچەیگ کوشتیە لەدویای ئەوەگ رووژ دویەکە وەردەوردیگ لەناوەینیان دروس بویە".
سەرچەوەگە وتیش؛ دەسڵاتدارەیل ئەمنی توەنستنە توومەتبار دەسگیربکەن تەرم قوربانی 17 ساڵانەگە ئەرا فەرمانگەی پزیشک دادوەری شار دهۆک کلبکەن.
