تاوانیگ خیزانی لە لەندەن.. داڵگیگ دوو کوڕ خوەی دەێدە سێدارە ئیجا خوەی کوشێد
دوو مناڵەگە وە مردگی لەشان لاشەی داڵگیان لەناو ماڵەگە پەیا کریا، وەگورەی قسەی دەسەڵاتەیل لە باشوور خوەرهەڵات لەندەن پایتەخت بەریتانیا.
رووژنامەی دەیلی مەیل بەریتانی وت: داڵگەگە وەناو دینا جانگەر لە تەمەن ٤٧ ساڵە بویە.
پولیس تەقەلا دەێد بڕەسێدە کەسەیلیگ دەسیان لەناو ئەو تاوان دڵتەزنە بوود.
بڕیگ لە هاوسایل خیزانەگە وتن: تویش سەرسامی گەورەیگ هاتن، هەناێ وە کوشیان داڵگ و دوو مناڵەگە ئاگادار بوین.
وەگورەی راپۆرتیگ وەلایەن رووژنامەی سەن وت: ئیرنگە مەزەنە کریەێد ئەو داڵگە ک وەڕیەوبەرە لە کۆمپانیایگ عەقاری بویە، دوو کوڕەگەی تاسانیە یا وە سێدارە کوشتیەسەیان.
هویچ چەکیگ لە شوین رویداوەگە پەیا نەکریا، و چەوەڕی کریاگە پزشک دادوەری دەسمیەتی لە دیاریکردن هویردیگ لە هوکارەیل مردنیان بەێد.
یەکیگ لە هاوسایل وت: فرە قسە وەرد ژنەگە نەکردگە، وەلی زوانی زڕ بویە، و دوو کوڕەگە هەمیشە پرچ و پاک بوینە، و دیارە داڵگەگە خاس ئیوەتیان کەێد.
هاوساگە وتیش: لە وەرز تاوسان دوو کوڕەگە لە وەردەم ماڵەگە بازی کردیان، و کەسیگ نیەزانێد ئەڕا ئی رویداوە بویە.
هاوسایگتر وت: ژنەگە وەرجە ٥ ساڵ هاتیەسە ئی گەڕەکە، و فرە تیکڵای مەردمەگە نەویە.
